Ninguén é profeta na súa terra. Veño remoendo niso dende mediados do Nadal. Pódese dicir que arrastro esta teima dende o ano pasado (valla 0 chiste sen gracia). O 16 de Decembro, Fecimo* presentou da man do seu presidente José Bangueses, unha edición de "O Bichero" que recolle algunhas das tiras cómicas de Luis Davila.
Ninguén é profeta na súa terra e case compréndese: os mais vellos non poden esquecer que Luis é ese cativo que aprendeu a dar os primeiros pasos esfolando os xeonllos polas rúas do seu pobo; os compañeiros de pupite recoñecen a Davila naquel rapaz que caricaturizaba a profesores e compañeiros; e os que non o coñecen simplemente pensan que dun pobo como Bueu, que ten máis vogais que consonantes, cousa boa non pode saír.
Ninguén é profeta na súa terra. E por iso tivo que ser Bangueses (alguén máis achegado ás cálidas augas termais de Ourense que ás xélidas augas salgadas do Morrazo) quen vira en Davila a un artista que aprendeu a andar entre a súa xente e a observar o mundo dende fóra (cun sorriso -para maior gravidade-); alguén que soubo tirar partido desa afección súa de darlle ao lapis para convertila nunha profesión.
Por iso, e a pesares de ser da familia, a pesares de que ninguén é profeta na súa terra, é o seu dar á noraboa a Pepe pola iniciativa, e tamén (claro) a Fecimo por deixarse liar e a Luis Davila pola súa xenerosidade. Ogallá saquen máis edicións do seu traballo. Bastante irónico é xa que unha Federación de Comerciantes sexa a que, con moito criterio, dera o primeiro paso.
_________
* Fecimo - Federación de Comerciantes e Industrias do Morrazo.
4 comentarios:
Vaia, perdinmo por falta de publicidade do evento... aínda teño un exemplar de "O bicheiro" e "Retranca" na miña estantería agardando por unha firmiña do seu pai.
P.D.
Algunha vez saíu algo bo de Bueu? XD
Vouche andar nas orellas Capitán!!!! :DDDD
Bicos tío.
Gracias polo teu comentario!
Tes máis razón cun santo. Ser profeta na propia terra parece máis unha cuestión de política e habilidades sociais que de talento.
Ademáis sempre somos propensos a valorar máis o axeno co propio (aínda que a veces non queda máis remedio jejeje)... Así nos vai!
O mesmo digo: graciñas por deixar pegada neste recuncho. É estupendo ver que se están a cocer novos proxectos por Santiago.
Moita sorte e... arriba Magritte!!! (sempre pensei que o non hai banda de Mulholland Drive viña da influenza deste pintor sobre Lynch)!!!
Publicar un comentario