15 febrero 2010

Sen ou mal sinal

Hai dez anos unha psicose pandémica chamada "efecto 2000" fixo que temesemos pola nosa integridade física ao prender o 386 na mañá do día 1 de xaneiro. O tal efecto foi, nunha escala de 0 a 100, despreciable.

Non podemos dicir o mesmo deste apagón analóxico. A Televisión Dixital, pese a ser Terrestre, vése que non está preparada para terras áridas como as de Cerceda (por poñer un exemplo). Hai semanas xa nas que a única programación que nos chega correctamente é unha serie que se emite de luns a domingo (a todas horas): "Sen ou mal sinal". Dende "Sálvame" non vira un produto televisivo tan prescindible e excesivamente estirado.

Pese ós tombos, ó continuo discurso entrecortado, á goyesca imaxe pixelada (nada máis lonxe da calidade dixital da que falaban os folletos que nos chegaron á casa e que narraban poéticamente as delicias de abandonar o analóxico) conseguín congratularme cos oito premios que acadou esta noite a "Celda 211". Sen ser adorador de Vaca Films, sempre é bo confirmar que se pode facer ese cine en España, e máis aínda que é rendible e premiable.

Como dixo miña nai: Galicia está no máis alto. Será por iso que non acaba de chegar ben o carallo da TDT. Agora que estamos ben arriba, queira dios a hostia non nos deixe tesos e sen emisión en dixital.

5 comentarios:

Buenense dijo...

Tampouco hai que ser tan drástico, ás veces podemos disfrutar doutro programa non menos monótono chamado "Servicio codificado".
Ao mellor igual que nos Goya en que Peeeeedro e a academia se reconciliaron nós conseguiremos que a TDT chegue aos nosos corazóns... ou polo menos ao noso televisor que xa sería dabondo.

Manuel Macou dijo...

Mira miña raíña, deixate de lerias e fai efectivo o trifásico que tes no concello, porque estamos a dúas velas (literalmente).

Capitán Latinoamérica dijo...

O futuro xa está aquí (anda por algures), o que pasa e que tí non sabes apreciar as delicias destes modernos prodixios dixitais pixelados e entrecortados...
Ahhh... nada como sentarse diante do televisor cun café na man disfrutando deses chispazos

Capitán Latinoamérica dijo...

Por certo... NORABOA FAMILIA!!

Manuel Macou dijo...

Graciñas! A ver cando podemos facer a presentación oficial do próximo dianteiro do Celta :PPPP